商店介紹



JaBo Baby



名字的由來是有意思的,開頭個2個英文字JA取至我個寶貝女Jamie頭2隻英文字, 而尾個2個英文字BO就取至我另一個寶貝,我隻狗狗BOBO。 我們並不是大集團,可能跟你一樣,只是一個小朋友媽媽、同時又是一個在職場工作的普通人。




哩間網店就好似我親生仔咁真係一手一腳自己湊大佢,好多人以為我做老闆以為好爽,其實壓力非常大,身邊人其實並不太支持,工作時間非常長,同埋遇個不少自己都唔知捱唔捱得過的處境......


我好記得第一次入美國小朋友返學襪仔話明係小朋友返學襪仔梗係白色架喇~


見到後滿心歡喜咁同大家SHARE好多謝大家好快咁落晒order點知d貨一返到黎一拆開我成個人呆左O晒咀~


我捽一捽眼睛我以為自己眼花色盲,D襪仔一紮5對但全部唔同顏色有黑白灰有紅綠藍又有D係彩色~


我即時打返電話去美國供應商到問佢地勁賴皮咁叫我地全批貨寄返去叫我地自己俾運費添丫~


最後為左d貨可以準時送到俾大家我地唔再同佢地爭論退唔退貨喇~


我心諗寄得d貨去美國再等佢地收到先再換俾我地一來一回都無左成個星期所以我地拿拿聲同佢地再落過貨再即刻急急腳寄返俾客仔你地~


咁果批貨點?


下次你地上黎攞貨你叫我去倉開果個櫃俾你地睇你地就知架喇~唔係好多jei幾百對咁囉~哈哈哈

仲有新年果次
又一次遇人不淑既經歷~


年初果陣去日本採購時我見到個好特別好靚既全盒當然即時share俾大家訂購喇~




落晒訂過晒數等佢地送貨喇~諗住今次無死喇點知等下又一日等等下等到年廿八都未見有貨返打俾佢地問問話好快有貨寄左出去架喇~


我地又再等等等等等到年初二先到貨結果點?


同d客仔跪晒玻璃囉d貨到左但都無用喇~過晒年喇咪又要擺晒喺倉囉~


一年開一個黎用,應該夠我用幾世都用唔完~


所以話做生意真係有好多變數~希望大家會繼續支持我哩個勇於屢敗屢試既媽媽喇~

但有另一樣滿足感是意想不到的,就是原來我的故事會啟發到人,
我希望盡我最大的努力為各位在百忙中的爸爸、媽媽選購最稱心滿意的貨品。


能夠得到大家的認同和支持,就是給JaBo Baby最大的鼓舞!


阿女就是我的動力,就算幾攰都會頂住!



JaBo Baby店長 Ivy:)