第一章: 自我介紹篇~

 

大家好,小妹叫做Ivy,之前同大家一樣都係一名普通既打工仔,做美容既~ 好多熟客仔都成日問我,點解你會開始搞網店?

 

其實初初真係咩都唔識, 我都只係一個師奶仔, 平日返工放工都好累,搞到禮拜六日又唔多想出街,只係想喺屋企休息下~ 但間唔時又會想買D野俾我個寶貝女玩下,買D衫仔俾佢著下, 就係咁開始左上網購物~

 

坐喺屋企訓喺張床攞住部電話上網睇下,又唔洗出街行黎行去,又唔洗同人逼,又唔洗行到身水身汗, 最重要係買既產品分分鐘仲平過自己出街買~

 

喺屋企嘆住冷氣Click兩Click就買到,轉個頭又寄到屋企收貨; 如果趕住要又可以自己上門去攞~

 

其實我都幾鍾意買新野黎試下,我地個網店大部份產品都係我自己買黎試,試左自己覺得好用先介紹俾大家(你地睇下,我個寶貝女都要做Model架~哈哈),所以大家想知D產品點用或者用後感都歡迎黎問下我架~

 

開始時,試左幾間唔同既網購網站,有D資料唔齊又無乜產品介紹; 有D貨不對辦,寄到返黎同本身張相完全唔同; 有D送貨又遲,遲左成個禮拜,追佢地又唔覆; 再衰D呢,送件爛既過黎,影晒相投訴埋都仲要唔肯退款~

 

試過幾次不愉快既經歷就開始諗如果我自己搞網購既話一定唔會俾哩D事情發生,仲要俾佢地做得更出色更有系統~之後就搵左幾個志同道合既朋友一齊研究鑽研一下網購既運作就開設左哩個網購既網站~

 

至於哩個網購網站既靈感來源係來自我同我既契女既一次經歷:有一次去接我契女放學返到佢屋企佢同我講: 佢有個同學仔今日帶左個好得意好靚既米妮頭飾,跟住就不停叫我買俾佢~見個佢出動到眼淚攻勢真係心都軟埋,咁我咪應承佢囉。

 

第2日接佢放學既時候膽粗粗咁就去等佢個同學仔放學順便問佢媽媽喺邊度有得買~好遺憾地得到個答案係喺大阪買既~我契女自己都聽到,而佢都好聽話含住淚光咁欣然接受~

 

見到個佢咁識諗都好欣慰,但亦因為咁,我夜晚刻就的起心肝去搵個米妮頭飾,上網搵左好耐最終都俾我搵到,但果個頭飾原來係大阪特別版,仲要個網站唔提供海外訂購~果一刻真係個心都沉埋~

 

之後一次機緣巧合,我同一班朋友仔去大阪旅行 (唔記得同大家講: 其實我另一個嗜好就係去旅行,遲下我會寫幾篇旅遊分享俾大家~),我腦海第一時間諗起大阪特別版米妮頭飾,我一落機就第一時間衝去果間野都搵下~結果皇天不負有心人真係俾我搵到

 

返到黎送俾我個契女既時候,見到佢個開心樣,果種滿足感真係難以形容~就係因為哩次經驗,我都好想試下去幫其他人搜羅下佢地想要既產品~ 正如我喺網站簡介講既一樣如果大家在海外或在其他網站報刊雜誌圖片看到心儀產品,歡迎向我們查詢代購。

 

我地哩個網站都希望可以讓各位顧客可以安坐家中,也可以以最實惠的價格,選購最優質的貨品。

 

JaBo Baby 係我既心血結晶,因此哩個網站名都用左我兩個寶貝起名: JaBo Baby 開頭個2個英文字Ja取至我個寶貝女 Jamie頭2隻英文字, 而尾個2個英文字Bo 就取至我另一個寶貝,我隻狗狗 BoBo。(相中就係我兩個寶貝喇~) 

                                                                     

我好開心可以喺度同大家分享我既一切,正如我開哩間網店一樣,可以喺度分享我在世界各地搜羅不同款式的嬰幼兒產品俾大家

 

最後小妹喺度同大家許下一個承諾: 就係小妹我一定會盡最大的努力為各位親愛既顧客帶來更多又實用又新穎又實惠既產品,預必令大家買野買得安心又稱心滿意。今次就講住咁多先,請大家繼續多多支持小妹同埋JaBo Baby !